Dandalin Siyasa

Shirin ‘Dandalin Siyasa’ tare da Michael Kuduson a wannan mako ya yi duba ne kan matakin gwamnatin Najeriya kan shirin samar da rangwamen farashin man fetur na tsawon kwanaki 30, da martanin ’yan adawa. Sannan za mu waiwayi hukuncin Kotun Ƙoli da kuma matsayin Hukumar Zaɓen Najeriya, INEC, kan jam’iyyun siyasar da suka saɓa ƙa’idojin miƙa rajistar mambobinsu, da dai sauran batutuwan da muka tanadar muku a shirin. A daidai lokacin da ƴan Najeriya ke cigaba da kokawa kan tsadar rayuwa, musamman farashin man fetur da sufuri, gwamnatin ƙasar ta sanar da wani mataki na rage nauyin da ke kan al’umma. Gwamnatin ta ce za a sayar da man fetur bisa rangwame a gidajen mai na kamfanin man fetur na ƙasa, NNPC, na tsawon kwanaki 30, tare da bai wa masu jigilar fasinjoji fifiko. Sai dai mataki bai burge ƴan adawa ba, domin kuwa sun mayar da martani, inda suke ke tambaya ko rangwamen na ɗan lokaci zai iya magance matsalolin da suka shafi tsadar rayuwa. Ku latsa alamar sauti don sauraron cikakke shirin.

Shirin ‘Dandalin Siyasa’ na wannan mako, ya maida hankali ne kan cikar Najeriya shekaru 66 da samun ƴancin kai, kuma yayin da ake bikin wannan rana, Shugaba Bola Ahmed Tinubu ya yi wa ’yan ƙasar jawabi inda ya jaddada nasarorin da ya ce gwamnatinsa ta ce ta samu a fannin tattalin arziki, tare da bayyana fatansa na ganin ƙasar ta samu ƙarin wadata. Sai dai shugaban bai yi magana kan matsalar tsaro da ke ci gaba da ta zame wa wasu sassan ƙasar ƙarfen ƙafa ba. Ku latsa alamar sauti don sauraron cikakken shirin tare da Michael Kuduson.............

Shirin na wannan makon tare da Michael Kuduson, ya yi nazari ne akan yadda a Najeriya yakin neman zaben 2027 ya shiga wani sabon mataki, bayan fara yakin neman zaben kujerun gwamna da ’yan majalisun jihohi a hukumance, inda Hukumar zabe ta Najeriya INEC ta kuma tunatar da ’yan takara da jam’iyyun siyasa cewa dole ne su gudanar da yakin neman zabe bisa tanade-tanaden doka.

Shirin na wannan makon, ya karkata ne kan yadda jam'iyyun siyasa ke ƙoƙarin cimma matsaya game da yadda za su tunkari zaɓen 2027, daidai lokacin da Hukumar zaɓen Najeriya mai zaman kanta INEC, na duba yiwuwar gudanar da zaɓen gwaji amma, na shugaban ƙasa, domin tantance shirye-shiryen tsarin zaɓen na baɗi. Wannan na zuwa ne, yayin da cikin makon jiya, aka jiyo Shugaba Bola Tinubu na bayyana cewa ɓangaren Arewacin ƙasar ne ya fi cin gajiyar wasu daga cikin sauye-sauyen da gwamnatinsa ta ƙaddamar, abin da ya fuskanci suka da caccaka daga masu ruwa da tsaki da ƙungiyoyin fararen hula. A gefe guda kuma, batun yadda ake tallafa wa jama'a a lokutan matsin tattalin arziki na cigaba da zama wani batu na siyasa, inda Ministan Tsaro ya yi kira ga gwamnonin jihohi da su daina raba babura a matsayin tallafin gaggawa ga jama'a, yana mai neman a mayar da hankali kan hanyoyin da za su samar da mafita mai ɗorewa. Shiga alamar sauti, domin sauraron cikakken shirin tare da Michael Kuduson.

Yayin da aka kaɗa gangar siyasa gabanin zaɓen shekarar 2027 da ke kara kusantowa, ƴan siyasa na ci gaba da gabatar da manufofi da alƙawuran da suke cewa za su inganta rayuwar ƴan Najeriya. A wannan makon, batun tallafin man fetur, sake bude iyakokin ƙasa da matsalar tsaro sun sake zama wasu daga cikin muhimman batutuwan da ƴan adawa ke amfani da su wajen ƙalubalantar gwamnati. Ku lasha alamar sauti don sauraron cikakken shirin tare da Michael Kuduson...........

Shirin Dandalin Siyasa na wannan mako ya mayar da hankali ne kan tasirin zaɓen gwamnan jihar Osun yayin da ake tunkarar babban zaɓen Najeriya na shekarar 2027. Shirin ya kuma yi duba game da halin da ake ciki a zaɓen na Osun, kama daga rikicin siyasa da kuma zarge-zargen da abokan hamayya ke yi wa juna. Latsa alamar sauti don sauraren cikakken shirin...

Shirin 'Dandalin Siyasa' na wannan makon ya tattauna ta Shiekh Dr Ahmad Mahmud Gumi kan matsayar da ya ɗauka ta goyon bayan bai wa Malamai damar shiga a dama da su a Siyasar Najeriya. Zalika shirin ya waiwayi ganawar da aka yi tsakanin Limaman Mujami'un Katolika da kuma shugaban Najeriya Bola Ahmed Tinubu a fadar gwamnati.

Shirin ‘Dandalin Siyasa’ tare da Nura Ado Suleiman kamar kowanne mako a wannan karon ma ya yi duba kan manyan lamurran siyasar Najeriya har ma da wasu yankunan Yammacin Afirka. Sha’anin Siyasa a Najeriya dai na ci gaba da ɗaukar ɗumi la’akari da tun karar manyan zaɓukan da za su gudan a farkon shekara mai kamawa ta 2027.........zaben da ake cigaba da tafka muhawara kansa gami da bayyana ra’ayoyi a tsakanin waɗanda ke da ƙwarin gwiwar zai sama karɓaɓɓe da kuma waɗanda ke ce wa da wuuya a ga wani sauyi. Wataƙila wannan batu ne ya sanya hukumar zaɓen Najeriya INEC shan alwashin bai wa maraɗa kunya...... Idan aka bi sannu a hankali za a ci tsokaci gami da mrtanin ƙwararru, ‘yan fafutuka da kuma sauran ‘yan Najeriya kan wannan lamari. Za mu kuma duba hukuncin da Kotun daukaka ƙara ta yi na yin watsi da buƙatar soke rijistar wasu jam’iyyun adawa a Najeriyar ciki har da ADC. A Kaduna kuwa gwamnan jihar Uba Sani ne ya kawo ƙarshen tsarin tikitin takarar Muslim Muslim da jam’iyyarsa ta APC ta shafe shekaru fiye da 10…

Shirin Dandalin Siyasa na wannan makon tare da Michael Kuduson ya mayar da hankali kan yadda harkokin siyasa suka sake daukar sabon salo, inda Gwamnonin jihohin Kudu maso Gabas suka bayyana goyon bayansu ga Shugaba Bola Ahmed Tinubu domin sake tsayawa takara a zaben shekarar 2027 tare da jaddada aniyar taimaka wa cigaba da kasancewar Najeriya dunƙulallliyar ƙasa. A gefe guda kuma, rikicin siyasar Jihar Rivers ya sake daukar sabon salo bayan Gwamna Siminalayi Fubara ya nuna cikakken goyon baya ga yarjejeniyar sulhu da tsohon gwamnan jihar, Nyesom Wike. Har ila yau, za mu duba muhawarar da ta biyo bayan sukar da tsohon Mataimakin Shugaban Kasa, Atiku Abubakar, ya yi kan yadda gwamnati ke ware kudade domin gyaran fadojin sarakuna, yayin da ake ci gaba da fuskantar kalubalen tattalin arziki. Sannan za mu yi nazari kan musayar zarge-zarge tsakanin Fadar Shugaban Kasa da Atiku Abubakar dangane da bayanan da suka shafi wasu tsofaffin shari'o'i a Amurka. Ku latsa alamar sauti don sauraron cikakken shirin.

Shirin 'Dandalin Siyasa' na wannan makon tare da Micheal Kuduson ya mayar da hankali kan rashin tabbas da jam'iyyun adawa suka shiga a Najeriya, yayin da ake tunkarar babban zaɓen shekarar 2027. A wannan makon, wani hukunci da kotu ta yanke kan wasu taruka na jam’iyyar ADC, ya sake buɗe kafa ta tambayoyi kan yadda ake gudanar da harkokin cikin gida na jam’iyyu a Najeriya. Sai kuma batun jadawalin zaɓe na INEC, wanda kotu ta dawo da shi, abin da ya bai wa jam’iyyun siyasa damar cigaba da shirye-shiryensu bisa tsarin hukumar zaɓe.

A wannan makon, dan takarar shugaban ƙasa a Najeriya a ƙarƙashin jam’iyyar ADC, Peter Obi, ya yi ikirarin cewa rayuwarsa na cikin hadari, yana mai nuna damuwa kan yanayin siyasar kasar gabanin zaben 2027. A gefe guda kuma, rikicin shugabancin jam'iyyar ADC ya dauki sabon salo bayan wata kotu ta tabbatar da shugabancin Sanata David Mark, yayin da bangaren da ke adawa da wannan hukunci ke ci gaba da bayyana matsayinsa.

A wannan makon, hukumar zaɓe ta Njeriya,INEC, ta bayyana cewa har yanzu ba ta karɓi kuɗaɗen da aka tanadar domin fara shirye-shiryen babban zaɓen shekarar 2027 ba. Wannan ya jawo martani daga ƙungiyoyin fararen hula, waɗanda ke ganin akwai abin da ya kamata a yi bayani a kai.

A wannan makon, shirin ya fara ne da matakin Hukumar Zaɓe mai zaman kanta ta Najeriya, INEC, da ta bude shafinta na yanar gizo domin jam'iyyun siyasa su fara loda sunayen 'yan takararsu. Wani muhimmin mataki ne da ke nuna cewa shirye-shiryen babban zaben 2027 na kara daukar salo. Sai dai kuma, ba tsarin zabe kaɗai ake magana a kai ba, domin kuwa akwai batun tsaro bayan Majalisar Dattawa ta amince da kudirin kafa ƴan sandan jihohi. A gefe guda kuma, kotu ce a Najeriyar ta soke hukuncin da ya umarci Hukumar Zabe ta Kasa, INEC, ta yi wa jam'iyyar NDC rajista. Ko da yake wannan sabon hukunci na buƙatar ƙarin nazari daga ɓangarorin da abin ya shafa, abin da ke kara nuna cewa harkokin shari'a na cigaba da taka muhimmiyar rawa wajen tsara siyasar Najeriya gabanin zaɓen 2027. Idan aka cigaba da tsara yadda jam'iyyu za su shiga zaɓe, akwai kuma wata muhimmiyar tambaya: Idan lokacin zaɓe ya yi, wa zai tabbatar da tsaron ƴan takara, jami'an zaɓe da masu kaɗa kuri'a? Amsar wannan tambayar ta sake dawowa kan teburi bayan…

Yayin da Najeriya ke kara tunkarar zaben 2027, ana cigaba da bayyana muhimman batutuwa da ke shafar yadda dimokaradiyya za ke gudana. Akwai batun da ya shafi dokokin zabe, inda wasu kungiyoyin farar hula ke cewa akwai wasu bangarori da ke haifar da tambayoyi kan adalci da daidaito. A daya bangaren kuma, akwai batun wani hukuncin kotu da ya kaɗa hantar jam’iyyun adawa, amma daga bisani wata babbar kotu ta yi watsi da shi. Ku danna alamar saurare domin jin cikakken shirin tare da Micheal Kuduson.

Shirin na wannan mako ya duba yadda Najeriya ta yi bikin Ranar Dimokaradiyya ta 12 ga watan Yuni, ranar da ake tunawa da gwagwarmayar tabbatar da mulkin dimokuradiyya da kuma muhimmancin kare ta. A jawabinsa ga kasa, Shugaba Bola Ahmed Tinubu ya bukaci 'yan Najeriya su ci gaba da kare dimokaradiyya duk da kalubalen da take fuskanta. Haka kuma ya yaba wa jami'an tsaro tare da kira ga 'yan ta'adda da masu daukar nauyinsu da su ajiye makamansu ko kuma su fuskanci fushin gwamnati. Shirin ya kuma duba yadda matsalar daba ke neman wuce gona da iri, wadda wasu 'yan siyasa ke amfani da ita, musamman a lokutan zaɓe. Shiga alamar sauti, domin sauraron cikakken shirin tare da Michael Kuduson.

Shirin 'Dandalin Siyasa' na wannan makon tare da Michael Kuduson, ya mayar da hankali a kan halin da siyasar jam’iyyun adawa ta shiga bayan gudanar zaɓen fidda gwani na jam’iyyar ADC don tsaida ɗan takarar shugabancin Najeriya, lamarin da ya bar baya da ƙura. Sakamakon zaɓen fidda gwanin na jami'yyar ADC dai ya haifar da rashin gamsuwa daga wasu ɓangarori a cikin jam’iyyar, waɗanda ke zargin cewa ba a cimma cikakkiyar fahimta ba kafin gudanar da zaben.

A wannan mako, zabukan fidda gwani na jam’iyyar APC mai mulkin Najeriya sun haifar da cece-kuce da rikice-rikice a sassa daban-daban na kasar, bayan da sama da ‘yan majalisa 70 suka rasa tikitin komawa. A wasu jihohi ana zargin karfi gwamnoni da shugabannin jam’iyya suka saka, yayin da wasu manyan ‘yan siyasa ke bayyana rashin gamsuwa da tsarin zabukan. Sai kuma wani sabon hukuncin kotu da ka iya sauya yanayin shirye-shiryen siyasar 2027.

Shirin dandalin siyasa ya mai da hankali ne akan yadda harkokin siyasar Najeriya ke ƙara ɗaukar hankali, saboda shirin tunkarar zaɓen shekarar 2027 dake tunkarowa a ƙasar.

Shirin Dandalin Siyasa na wannan makon tare da Bashir Ibrahim Idris ya yi nazari ne game da zabukan Gwamnoni na 'yan majalisun jihohin Najeriya da za a gudanar a ranar Asabar mai zuwa, in da ake fargabar cewa, da dama daga cikin Gwamnoni masu ci ba za su koma kan kujerunsu ba saboda wasu dalilai na siyasa.

Shirin Dandalin Siyasa na wannan makon tare da Bashir Ibrahim Idris ya yi nazari kan kiran da Majalisar Tarayyar Najeriya ta yi shugaba Muhammadu Buhari don yi mata bayani kan tabarbarewar tsaro a kasar.

Shirin dandalin siyasa a wannan makon ya sake yin duba kan dambarwar neman shugabancin Majalisar Najeriyar karo na 9 da sabbin zababbun 'yan Majalisar wakilan kasar ke tafkawa. A yi sauraro lafiya.

Har yanzu Jam'iyyar APC ta gaza shawo kan matsalolinta da suka shafi 'yan majalisun da za su jagoranci majalisar Dattijai da ta wakilai, dai dai lokacin da ake ci gaba da fuskantar rarrabuwar kai.

Bayan wata daya da kawo karshen zaben Shugaban kasa da na wasu yan majalisu a Najeriya,hankulan yan kasar da dama ya koma zuwa zauren Majalisa . Haka zalika wasu daga cikin yan majalisun da suka samu goyan bayan jama'a sun sheidawa Bashir Ibrahin Idris a cikin shirin Siyasa fatan su da kuma irinn rawar da za su iya takawa a Majalisa don kawo sauyi a siyasar kasar,banda haka wasu sun bayyana damuwa a kai.

Shirin Dandalin Siyasa na wannan makon tare da Bashir Ibrahim Idris ya tattauna ne kan dambarwar zabukan Najeriya, in da Jam'iyyar adawa ta PDP ta garzaya kotu domin kalubalantar nasarar shugaba Muhammadu Buhari na APC a zaben 2019, yayinda ita ma APC a jihar Bauchi ta ruga zuwa kotu duk dai akan batun na zabe.